د اسلامي امارت د رسمي نشراتي ارګان حقیقت مجلې لسمه ګڼه له ګټورې محتوا او معیاري صحافت سره د چاپ په زیور وپسولل شوه .
د حقیقت مجلې په دې ګڼه کې هم ګڼ شمیر سیاسي،علمي،فرهنګي او معلوماتي مطالب خپاره شوي دي.
حقیقت مجله چې زیاتره مطالب یي په دري ژبه دي، په لسمه ګڼه کې یي په دري ژبه د مرحوم عالیقدر امیرالمؤمنین ملامحمد عمر مجاهد د وفات او نوي أمیر د ټاکل کیدو په اړه د اسلامي امارت رسمي اعلامیې او په زړه پورې مطالب دغه راز ګڼ نور سیاسي،علمي او ادبي مطالب چاپ شوي دي چې د لوستونکو تنده خړوبولای شي
مجله د پای په صفحو کې د ادب او فرهنګ د مینه والو لپاره د شعر او ادب خواږه هم لري .